Email : info@totalnewssewa.com

महिला विश्वकप फुटबलमा अमेरिका चौथो पटक च्याम्पियन

असार २३- संयुक्त राज्य अमेरिकाले महिला विश्वकप उपाधि जितेको छ । आइतबार भएको फाइनलमा खेलमा नेदरल्यान्ड्सलाई २-० ले पराजित गर्दै अमेरिकाले उपाधि उचालेको हो ।


अमेरिकालाई उपाधि दिलाउनका लागि मेगन रापिनो र रोस लाभेल समान एक/एक गोल गरे । 
निकै प्रतिस्पर्धात्मक खेलको पहिलो हाफ गोलरहित बराबरीमा सकिएको थियो । 

सुरुबाटै लगातार आक्रामक खेलेको अमेरिकाले पहिलो हाफमा आधा दर्जनजति नेदरल्यान्ड्सको पोस्टमा प्रहर गर्यो । तर किपरले उसका सबै प्रयास असफल पर्यो ।

दोस्रो हाफको ६१ औं मिनेटमा मेगन रापिनोले पेनाल्टीमार्फत गोल गर्दै अमेरिकालाई सुरुवाती अग्रता दिलाएकी थिइन् । बक्स क्षेत्रमा डच डिफेन्डरले अमेरिकन खेलाडीलाई किक हानेर लडाएपछि रेफ्रीले भिएआरको प्रयोग गरेर अमेरिकालाई पेनाल्टी मौका दिएकी थिइन् । 

६९ औं मिनेटमा रोस लाभेल अमेरिकाको अग्रता दोब्बर पारिन् । त्यसपछि बाँकी समयमा दुवै टोलीबाट थप गोल नभएपछि खेल अमेरिकाले २–० ले जित्यो ।

अमेरिकाको यो चौथो उपाधि हो । यसअघि अमेरिकाले सन् १९९१, १९९९ र २०१५ मा उपाधि जितेको थियो । पहिलो पटक फाइनल पुगेको नेदरल्यान्ड्स भने उपविजेता मै सिमित भयो ।


 



प्रतिक्रियाहरु




सम्बन्धित शीर्षकहरु