Email : info@totalnewssewa.com

पत्रकार महासंघ जापान शाखाको चौंथो अधिबेशन सम्पन्न, पुन मोहन घले अध्यक्षमा निर्वाचित

टोकियो, जापान ।  

नेपाल पत्रकार महासंघ जापान शाखाको चौंथो अधिबेशन तथा घोषणा सभा टोकियोमा सम्पन्न भएको छ । अधिबेशनले पुन मोहन घलेको अध्यक्षतामा १५ सदस्सिय कार्य समिती निर्वाचित गरेको छ । समितिको उपाध्यक्षमा  पूर्ण चलाऊने तथा समाबेशि उपाध्यक्षमा कुमार मोक्तान चयन हुनुभएको छ ।  भने सचिबमा शान्त पहरी तथा सह-सचिबमा अर्जुन लामिछाने र इन्दिरा खनाल भने कोषाध्यक्षमा आनन्द कोइराला निर्बिरोध चयन हुनुभएको छ ।त्यस्तै सदस्यहरुमा दीपक गौतम, विश्वाश   आचार्य, सजिना मोक्तान, राजन गौतम, लक्ष्मी पौडेल ,कृष्ण अधिकारी ,सागर देबकोटा र राम तामाङ चयन हुनुभएको छ ।  

 

 त्यसैगरि बन्दसत्रमा सहसचिब कुमार मोक्तानले संस्थाको प्रगती प्रतिवेदन तथा कोषाध्यक्ष राजविन थापाले प्रस्तुत गर्नुभएको आर्थिक प्रतिवेदन सर्वसम्मत रूपले पारित गरेको थियो । 

घोषणा सभामा महासंघका केन्द्रिय महासचिब रमेश बिष्टले अबको समाचार खोजमुलक र समुदायको आवाजको प्रतिनिधित्व गर्ने हुनुपर्नेमा जोड दिंदै समाचारमा विश्वशनियता र जवाफदेहीता अनिवार्य रहेको बताउनुभएको थियो ।संचार गृह र संचारकर्मिहरुलाई राज्यले उपेक्षा गर्न खोजे पनि धैर्यता गर्न भने  छोड्न नहूनेमा जोड दिनुभएको थियो ।  

 

एनआरएनए जापानका अध्यक्ष देवीलाल भण्डारी, वरिष्ट उपाध्यक्ष अनिता गुरूङ, आईसीसी सदस्यहरू महेशकुमार श्रेष्ठ र कपिलदेव थापा, प्रवासि नेपाली एकता मन्चका सिद्धार्थ श्रेष्ठ,  नेपाली जनसम्पर्क समितिका डिपि कंडेल, अन्तराष्ट्रिय नेपाली साहित्य समाज जापान च्याप्टरका अध्यक्ष दीप पाठक, एभरेष्ट इन्टरनेशनल स्कुल जापानका डा. भुपालमान श्रेष्ठ,नेपाली ब्यवसायी संघका बाबुराम पौडेल लगायतले बोल्नुभएको थियो ।

घोषणा सभामा समितिको घोषणा निर्वाचन समितिका सदस्य चन्द्र खनालले गर्नुभएको थियो ।  निर्वाचन अधिकृत पवन बर्षा साहको अध्यक्षता तथा मोहन घलेको प्रतिबद्धता मन्तब्य र राजन गौतमको संचालनमा सम्पन्न भएको थियो ।



प्रतिक्रियाहरु




सम्बन्धित शीर्षकहरु